fbpx

Të fundit

E nisën për të sulmuar Ukrainën, raketa kthehet mbrapsht dhe ‘shkatërron’ bazën ruse

Rusia vijon ende të sulmojë dhe bombardojë me raketa veriun e Ukrainës, pas 4 muajsh luftë.

Së fundmi një video është bërë virale, e cila tregon se tashmë dhe fati është kundër rusëve, ose më saktë vetë armët e tyre.

Sipas “Daily Mail”, videoja tregon momentin se si një raketë e hedhur nga mbrojtja ajrore e Rusisë u kthye në “bomerang”, duke goditur bazën e ushtrisë.

Sipas raportimeve, raketa u lëshua në rajonin e Luhansk-ut por teksa u nis, ajo u kthye 180 gradë dhe u përplas thuajse në të njëjtin vend prej nga u lëshua.

Videoja raportohet të jetë filmuar në orët e para të këtij mëngjesi në qytetin Alchevsk, rreth 55 milje në jug të Severodonetsk-ut, ku po bëhen luftime të ashpra. Sipas raportimeve, sistemi raketor i mbrojtjes ajrore, ndoshta një S300, operohej nga separatistët pro-rusë ukrainas nga Republika Popullore e Luhanskut.

Shkaku i mosfunksionimit nuk është i qartë, ndërsa disa kanë spekuluar se problemi mund të ketë ndodhur për shkak të hakimit ose bllokimit nga një dron ukrainas, ndonëse kjo konsiderohet e pamundur.

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci