Profesoresha e Fakultetit Filologji, Vjosa Hamiti, ka reaguar pasi nuk arriti të emërohej në Këshillin Drejtues të Universitetit të Prishtinës.
Ajo në Twitter ka shkruar se Senati i UP-së, sot zgjodhi 5 burra në këtë këshill, duke krijuar kështu disbalanc gjinor.
“Isha në garë sot për zgjedhjen e 5 anëtarëve të Këshillit Drejtues të Universitetit të Prishtinës. Senati i UP-së zgjodhi 5 burra, asnjë grua. Kjo sa për disbalancin gjjnor. Falënderoj përzemërsisht përkahësit, 12 votuesit e mi”, shkruan ajo.
Vjosa Hamiti ka uruar për siç e quan “përzgjedhjen klienteliste”, teksa shton se të emëruarit e sotëm janë “shëmbëlltyra e tyre”.
“Të tjerëve urime për përzgjedhjen klienteliste, pak a shumë grupore. Të përzgjedhurit e tyre janë shembëlltyra e tyre, çfarëdo që të jetë. Uroj t’u pëlqejë!”, shtoi ajo.
Anëtarë të Këshillit Drejtues të UP-së sot janë emëruar Selim Bezeraj, Rifat Krasniqi, Azem Hajdari, Arian Krasniqi dhe Naser Kabashi.
Selim Brezaj akuzohet për plagjiaturë, ndërkohë që Rifat Krasniqi është përkrahës i partisë në pushtet, Lëvizjes Vetëvendosje.
Nagavci mohon përfshirjen në emërimin e përkrahësit të VV-së në UP, por e pranon një faj