Dy njerëz janë qëlluar për vdekje dhe 21 të tjerë janë plagosur në disa të shtëna në një klub nate dhe në një rrugë afër kryeqytetit norvegjez, Oslo.
Mbi këtë rast i cili po hetohet si akt terrorist, ka reaguar presidentja Vjosa Osmani.
Ajo ka ngushëlluar familjarët e viktimave.
“Ngushëllimet dhe lutjet tona janë me viktimat, të dashurit e tyre dhe të gjithë ata që janë prekur nga të shtënat vdekjeprurëse në Oslo. Ky është një sulm i tmerrshëm ndaj lirisë dhe të drejtave të njeriut. Ne qëndrojmë me popullin e Norvegjisë”, shkroi shefja e shtetit në Twitter.