Duke parë çmimin e lartë të Matthijs de Ligt, Chelsea ka kthyer sytë nga Milan Skriniar, për të cilin është interesuar Paris Saint-Germain.
“Blutë e Londrës” kanë filluar punët për transferimin e një mbrojtësi pas largimit të Rudiger dhe sipas “Calciomercato”, Chelsea dëshiron të konkurrojë me PSG-në për Skriniar, i cili duket se është lojtari i Interit që ka më shumë gjasa të shitet këtë verë.
Nerazzurrët duan rreth 80 ose 70 milionë euro plus shtesa për qendërmbrojtësin 27-vjeçar sllovak dhe ata e kanë bërë të qartë se nuk janë të interesuar për lojtarë në këmbim.