Federata e Basketbollit e Kosovës i ka bërë thirrje tifozëve kosovarë që jetojnë në Danimarkë për ta përkrahur Kosovën në ndeshjen e ditës së enjte.
Kombëtarja e Kosovës në basketboll do të takohet me atë të Danimarkës në kuadër të ndeshjeve parakualifikuese për FIBA Eurobasket 2025, në qytetin Naestved në Danimarkë, më 30 qershor.
Biletat janë në shitje, ndërsa një numër i tyre është i rezervuar për tifozët kosovarë.
“Dardanët kanë mbështetur basketbollistët e Kosovës në çdo ndeshje dhe kështu pritet të jetë edhe të enjten mbrëma. Për shqiptarët që jetojnë në Danimarkë, kjo është një mundësi e mirë që t’i shohin nga afër lojtarët e Kosovës dhe t’i përkrahin maksimalisht, pasi kanë shumë nevojë”, thuhet në njoftimin e FBK-së.
Kosova është në grup me Danimarkën dhe Norvegjinë ku renditet e dyta me tre pikë të grumbulluara, aq sa ka edhe Norvegjia në vendin e parë./Paparaci.com