Pronari i një Lamborghini Huracan nuk mbeti imun pasi e “pushtuan” emocionet para njerëzve që po e vështronin veturën e tij luksoze rrugëve të Floridës në ShBA.
Duke vozitur nëpër rrugët e qytetit të Miamit, shoferi i Lamborghinit doli nga vetura në të cilën po shoqërohej nga një vajzë bukuroshe dhe vendosi të përshëndesë ‘audiencën’ dhe t’i japë atyre mundësi që t’i bënin foto.
Në vend që të bënte foto pa bërë përpjekje për të marrë shumë vëmendje, i rrëmbyer nga atmosfera në rrugë, ai vendosi të hidhej në xhamin e përparmë të makinës së tij.
Edhe pse fillimisht dukej si një ide “cool”, prapëseprapë nuk doli të jetë ashtu.
Kur ai u hodh në mbi veturë, xhami i saj u thye, por shoferi nuk u mor shumë me koston e veprimit të tij derisa u kthye me shpejtësi brenda veturës.
Nëse xhami është thyer për shkak të peshës së shoferit apo cilësisë së dobët të produktit, është e vështirë të thuhet… edhe pse shoferi nuk duket se ka probleme me mbipeshën.