Festivali tradicional i birrës dhe i verës “Beer and Wine Festival” i cili ishte paraparë të mbahej më 12 gusht deri 24 është shtyrë për një datë tjetër.
Lajmin e ka bërë ditur faqja zyrtare e “Beer and Wine Festival” përmes një postimi në Facebook.
Pas ndryshimit të lokacionit, ky festival mbrëmë njoftoi se ka ndryshuar edhe datën e mbajtjes.
“Me vendim të Komunës së Prishtinës, festivali shtyhet për një datë tjetër”, thuhet në njoftim.
Ky është edicioni i dhjetë i këtij festivali dhe do të mbahet tek parkingu i pallatit të rinisë.
