Kremlini ka refuzuar thirrjen e presidentit ukrainas Volodymyr Zelenskyy për ndalimin e udhëtimit për të gjithë rusët këtë mëngjes, raporton Sky News, transmeton Paparaci.
Zëdhënësi rus Dmitry Peskov tha se propozimi ishte “irracional”, duke shtuar se Evropa në fund do të duhet të vendosë nëse dëshiron të paguajë faturat për “kapriçot” e Zelenskyt.
Ai shtoi se nuk kishte asnjë shans që rusët të izoloheshin nga pjesa tjetër e botës.
Firmat ruse dhe personeli politik janë përballur me sanksione të ashpra financiare nga Perëndimi në vazhdën e luftës me Ukrainën.