Në një fjalim të mërkurën mbrëma, Vladimir Putin deklaroi një mobilizim të pjesshëm ushtarak dhe tha se nëse Perëndimi vazhdon me, siç tha ai, “shantazhin bërthamor”, Moska do të përgjigjet me të gjithë forcën e arsenalit të saj.
Fjalimi i tij ishte i paralajmëruar në Rusi. Pak orë para këtij fjalimi, sipas të dhënave të Google Trends, fjalia më e kërkuar në Google në Rusi ishte “Si të largohesh nga Rusia”.
“Nëse integriteti territorial i vendit tonë kërcënohet, ne do të përdorim të gjitha mjetet në dispozicion për të mbrojtur popullin tonë, ky nuk është një bllof”, tha Putin në një fjalim televiziv drejtuar kombit.