Presidenti rus Vladimir Putin ka urdhëruar që nga e mërkura mobilizim të pjesshëm të popullsisë dhe tashmë rezervistëve u ka ardhur radha që t’i bashkohen ushtrisë.
Që pas fjalimit të Putinit, një numër i madh njerëzish po tentojnë të largohen nga vendi. Por nga ana tjetër, në mediat sociale është publikuar një video që tregon ata që i janë nënshtruar fatit të tyre teksa bëhen gati të nisen për në Ukrainë.
Një video e postuar në mediat sociale nga Neryungri, një qytet në Rusi, thuhet se tregon rekrutët e rinj rusë duke u përgatitur për të shkuar në Ukrainë.
Siç raportohet rezervistëve të parë rusë që do të dërgohen me forcë në vijën e frontit si pjesë e mobilizimit të pjesshëm të Vladimir Putinit iu dhanë vetëm katër orë kohë për të paketuar valixhet.
Еще видео с моего родного города Нерюнгри Республика Саха (Якутия) pic.twitter.com/haaWQX17uf
— Polina (@poli_golobokova) September 22, 2022
Në video shfaqen turma njerëzish që mblidhen me çanta. Burra dhe gra shihen duke u përqafuar dhe duke qarë, ndërsa një numër njerëzish hipin në autobusë të bardhë. 300 mijë është numri i rezervistëve që do të thirren për të luftuar në Ukrainë. Pas fjalimit të presidentit rus, në Moskë dhe qytete të tjera të vendit u paralajmëruan protesta.