Të fundit

Murati provokon përfaqësuesin e SBASHK-ut: Është raportuar se je i afërt me politikën

Ministri Hekuran Murati ka provokuar përfaqësuesit e Sindikatës së Bashkuar të Arsimit gjatë mbledhjes së Komisionit për Arsim të premten, në të cilën janë të ftuar dy ministra të qeverisë dhe tre përfaqësues të SBASHK-ut.

Murati e ka nisur fjalimin e tij me një pyetje për përfaqësuesit e SBASHK-ut. Konkretisht, për Ymer Ymeri, sekretarin e sindikatës.

“Konsideroj se përfaqësuesit e SBASHK-ut duhet t’i njohim më mirë dhe kisha disa pyetje për anëtarët për shkak se z. Ymeri është raportuar që është i afërt me një nga partitë opozitare”, tha Murati.

Ndaj deklarimit të tij reaguan anëtarët e Komisionit Parlamentar për Arsim.

“Pse duhet të ndihen në siklet deputetët e opozitës për pyetjen që po e shtroj unë?”, vazhdoi Murati.

Kryetari i komisionit, deputeti Ardian Gola kërkoi që diskutimi të bëhej në baza teknike e jo në baza politike.

Në komision ishte ftuar edhe kreu i SBASHK-ut Rrahman Jasharaj, por ai ka refuzuar të jetë prezent në këtë mbledhje.

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci