Teksa kanë kaluar më shumë se një muaj që nga fillimi i grevës në sektorin e arsimit dhe ende nuk është gjetur një zgjidhje mes SBAShK-ut dhe Qeverisë së Kosovës, kryeministri Albin Kurti ka shkuar në Japoni të martën.
Kurti po merr pjesë në funeralin shtetëror në nderim të ish-kryeministrit të Japonisë, Shinzo Abe.
Megjithatë, nënkryetarja e PDK-së është shprehur e indinjuar për mos-zgjidhjen e situatës mes pushtetit dhe sindikatave, ndërsa nxënësit vijojnë të qëndrojnë në shtëpi.
“Jo vetëm pa aftësi, por edhe me keq. Indiferencë. Mungesë totale e empatisë. 320.000 fëmijë kanë mbetur tash e një muaj pa shkollë. E Kryeministri? Në Japoni”, shkroi ajo me anë të një postimi në Facebook.