Ashtu sikurse u shpreh trajneri Ilir Daja, nga fitorja historike e Ballkanit mbrëmë ka përfituar e gjithë Kosova. Me fitoren e therandasve ndaj Sivassporit të Turqisë, Kosova ka shënuar rritje të koeficientit në UEFA.
Sipas përditësimeve të fundit nga “Football-Coefficient” Kosova zë vendin e 33-të, me një rritje të koeficientit nga 10.54 në 11.04. Ndërsa, vetë skuadra e Ballkanit ka arritur një koeficient prej 8.5 pikësh, transmeton Paparaci.
Gjithnjë sipas “Football-Coefficient”, në rast se koeficienti i Kosovës nuk ndryshon më tutje, atëherë në sezonin 2023/24 në Evropë do të marrin pjesë pesë klube kosovare.
Kampioni i Kosovës do të marrë pjesë në raundin e parë kualifikues për Champions League, ndërsa tre vendet tjera të tabelës dhe fituesi i Kupës së Kosovës do të garojnë në kualifikimet për UEFA Conference League.
Ballkani shënoi mbrëmë fitoren e parë në kuadër të fazës së grupeve në Ligën e Konferencës përball Sivassporit, ndërkaq fitoi edhe kreun e Grupit G.
Kampioni i Kosovës ka mbledhur gjithsej katër pikë në grup, ndërsa e presin edhe tre ndeshje tjera për ti zhvilluar. /Paparaci.com