Të fundit

Takimi Kurti-Vuçiq për targat pritet të zhvillohet të hënën në Bruksel

Takimi mes kryeministrit të Kosovës, Albin Kurti dhe presidentit të Serbisë Aleksandar Vuçiq, pritet të zhvillohet të hënën, më 21 nëntor. Kështu raporton Radio Evropa e Lirë bazuar në burime diplomatike.

Nga Qeveria e Kosovës sot kanë thënë se me gjasë takimi pritet të zhvillohet nesër, por duke mos treguar me saktësi nëse do të jetë pikërisht dita e dielë dita e takimit të “shpejtë” Kurti-Vuçiq.

Por sipas REL ky takim pritet të zhvillohet të hënën në Bruksel.

Gjatë ditës së djeshme, zëdhënësi i Bashkimit Evropian për Politikë të Jashtme dhe Siguri, Peter Stano, ka thënë se kryeministri i Kosovës, Albin Kurti dhe presidenti i Serbisë, Aleksandar Vuçiq, janë ftuar që “së shpejti” të shkojnë në Bruksel për t’u takuar në kuadër të dialogut që ndërmjetëson blloku evropian.

Kanë mbetur vetëm edhe dy ditë në nisjen e shqiptimit të masës së gjobave për ata që nuk i kanë ndërruar targat ilegale serbe.

Sipas vendimit të Qeverisë, personat që ngasin vetura serbe me targa ilegale, pas 21 nëntorit do t’ju shqiptohet gjoba prej 150 eurosh.

Bashkësia ndërkombëtare ka kërkuar nga Qeveria e Kosovës që të shtyjë vendimin për targa për të paktën 10 muaj, në mënyrë që tensionet të shmangen dhe të mos vijë deri te ndonjë përshkallëzim i situatës.

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci