Deputeti i PDK-së, Abelard Tahiri ka thënë se e ardhmja jonë është e bashkuar, bashkim në zhvillim, bashkim në progres, bashkim me zemër, bashkim me vlerat tona të përbashkëta euro-perëndimore e të afërt me njëri-tjetrin.
Ai në Kuvendin e Shqipërisë tha se duhet të jemi të hapur ndaj fqinjëve, si dhe të kemi një aleancë e përhershme me ShBA-të e të integruar në NATO.
“Kjo është rruga jonë, kjo është e ardhmja jonë, ky është misioni ynë, ky është qëllimi ynë i përbashkët. Historia jonë ka tregime lavdie dhe sakrifice”, tha ai në mbledhjen e përbashkët mes Kuvendeve të Shqipërisë dhe Kosovës.
Ai theksoi se krerët e UÇK-së janë heronj të gjallë dhe po mbahen padrejtësisht në Hagë.