Shefi i grupit parlamentar të Partisë Demokratike në Shqipëri, Ekelejd Alibelaj, ka kërkuar nga institucionet e Shqipërisë që të shohin Serbinë vetëm ashtu siç e sheh Kosova.
Ai në mbledhjen solemne të Kuvendit të Shqipërisë dhe Kosovës, përmendi kundërshtimin e Kosovës për idenë e Ballkanit të Hapur dhe nënvizoi nevojën për mos-cenim të sovranitetit të Kosovës.
Akuza ndaj Serbisë, adresoi edhe shefi i grupit parlamentar të Aleancës për Ndryshim, Fatmir Mediu.
“Serbia po armatoset, po rrezikon stabilitetin në rajon, kërcënon sigurinë në Kosovë”, tha ai.