Të fundit

Mustafa: S’do të thosha që Qeveria Kurti është e pakorruptuar

Ish-kryetari i LDK-së, Isa Mustafa, ka folur për Qeverinë Kurti, për të cilën u shpreh se nuk do të thoshte se kjo qeveri është e pakorruptuar.

Sipas Mustafës, faktet flasin ndryshe, teksa përmendi ndërrimet që janë bërë në bordet e kompanive publike që sipas tij, janë krejt ndërrime politike të cilat futen në fushën e korrupsionit.

“Kanë dal probleme me pagesat që i janë dash me ju bë punëkryesve. Ka pas në media raste kur kanë kërkuar para në mënyrë që të bëjnë pagesa, dhe këto raste kanë ndodhur në qeverisjen e Kurtit”, është shprehur Mustafa në Syri TV.

Ish-kryeministri Mustafa foli edhe për opozitën në Kosovë, ku tha se do të donte të kishte një opozitë më konkrete.

“E kam thënë edhe më parë, do të kisha pasur dëshirë të shihja një opozitë e cila është është konkrete, e cila është shumë më dinamike, më e gjallë dhe e cila nuk pret që Albin Kurti do të rrëzohet vetë apo do ta rrëzojë vetveten. Çdo opozitë duhet të synojë të rrëzojë qeverinë. Opozita ekziston në mënyrë që të kundërshtojë dhe të rrëzojë kundërshtarin”, është shprehur ai.

Video nga Paradoks

"Kundër faljes së tokave", "Dhuratë e Millosheviqit": Krejt çka thoshte Kurti për vendimin që tash po e zbaton për Manastirin e Deçanit

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci