Policia e Kosovës ka njoftuar se tre punëtor të një marketi në Gjilan, kanë raportuar se një person, shtetas i Kosovës, duke i kërcënuar me armë ka grabitur nga arka e marketit një shumë të parave.
Mirëpo tre punonjësit e marketit gjatë ballafaqimit me të dyshuarin kanë arritur ta ndalojnë.
Në raportin e Policisë thuhet se i dyshuari është arrestuar dhe i është konfiskuar një armë zjarri me një karikator me katër fishek.
I dyshuari pas intervistimit është dërguar në mbajtje.