Kryeministri Albin Kurti ka mbajtur edhe një fjalim, kësaj radhe më të shkurtër, duke ju përgjigjur deputetëve të partive opozitare, të cilët e kritikuan Kurtin në lidhje me sigurinë në veri.
Ai ka thënë se ka dy grupe serbësh në Kosovë, ata që punojnë për shtetin kosovar dhe ata që marrin urdhra nga Serbia, duke përmendur edhe Listën Serbe në këtë listë.
“Sa ka qenë i vërtetë ai betim, merret vesh sot. Dhe ka shumë serbë që e kanë dhënë betimin dhe po e kryjnë punën. Por ka shumë serbë që e kanë dhënë betimin, e kanë kryer punën e Beogradit, dhe ka të tillë që edhe këtu (në Kuvend) e dhanë betimin, por vazhdojnë ta kryejnë punën e Beogradit, i cili ju thotë “mos punoni për Kosovën”. Andaj unë nuk besoj që të gjithë serbët që e kanë dhënë betimin në të kaluarën, ne duhet t’i vendosim në të njëjtën kategori”, vlerësoi Kurti.
Ai ka kërkuar që këto dy grupe të mos barazohen.
“Janë dy kategori, nuk kemi pse i bëjmë bashkë. Ata vetë janë ndarë, ka shumë serbë që sot punojnë bashkë me shqiptarët dhe me të tjerët, e kanë dhënë betimin, s’e kanë dhënë dorëheqjen. Mos t’i barazojmë”, shtoi Kurti,