Është zbuluar identiteti i shqiptarit të vrarë në Gjermani mbrëmjen e së hënës. Viktima është 42-vjeçari Mario Muka, i cili rezulton se në Shijak të Shqipërisë, merret me biznes. Ai kishte emigruar në Gjermani që prej vitit 2018, transmeton BalkanWeb.
Sipas mediave në Gjermane, kanë qenë dy persona që kanë qëlluar ndaj shqiptarit. Ata kanë lëvizur me një veturë te vjedhur, dhe më pas e kanë parkuar buzë rrugës për të pritur shqiptarin. Ngjarja e rëndë ka pasur edhe dëshmitarë, ndërsa policia gjermane është vënë pas autorëve.
Policia po merret me pistën e hetimit mbi rrethanat e krimit, ndërsa sipas detajeve të bëra me dije nga mediat gjermane, ekzekutimi i shqiptarit nuk ka qenë rastësor.
Shqiptari rezulton të jetë një emër i njohur për policinë gjermane, për shkak të përfshirjes së tij në disa ngjarje kriminale.