Një grua ka vrarë gruan shtatzënë para objektit të Gjinekologjisë në Prishtinë.
Ende nuk dihen motivet që çuan deri në këtë rast tragjik, që ka ndodhur para pak minutash.
Tashmë trupi i pajetë i viktimës është larguar nga oborri i Klinikës së Gjinekologjisë nga mjekoligjorët.
Trupi i viktimës u largua pas dy orës së vrasjes.
Policia po vazhdon të qëndroj në vendin e ngjarjes.
Policia e Kosovës ka konfirmuar vrasjen e një gruaje në oborrin e Klinikës së Gjinekologjisë në QKUK. Zëdhënësja e Policisë, Flora Ahmeti, ka thënë se viktima është 35-vjeçare.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht Policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”, tha ajo.
Viktima ishte në javën e 41-të të shtatëzënisë, duke pritur për të lindur. Vrasja dyshohet se është kryer me armë zjarri.