Nenad Rashiq i është bashkuar kabinetit të Qeverisë së drejtuar nga kryeministri Albin Kurti.
Në bazë të kompetencave të tij kushtetuese e ligjore, Kurti e ka emëruar në pozitën e ministrit politikanin nga komuniteti serb, Nenad Rashiq.
“Kryeministri i Republikës së Kosovës, Albin Kurti, ka emëruar sot, z. Nenad Rashiq, Ministër për Komunitete dhe Kthim në Qeverinë e Republikës së Kosovës”, thuhet në njoftimin e kryeministrisë.
Rashiq do të udhëheq Ministrinë për Komunitete dhe Kthim.
Këtë pozitë deri para pak kohësh e ka mbajtur ish- ministri nga Lista Serbe, Goran Rakiq, i cili dha dorëheqje.
Vlen të theksohet se në zgjedhjet e fundit parlamentare, Rashiq kishte kandiduar me partinë e tij Partia Progresive Demokratike.