Policia e Kosovës ka njoftuar se sot në Fushë Kosovë gjatë një operacioni është arrestuar një person me inicialet S.M, 32 vjeç, pasi dyshohet se është përfshirë në rastin e sulmit të personit zyrtar, me datën 30.11.2022 në fshatin Sllatinë.
Në njoftimin e Policisë thuhet se i njëjti gjatë sulmit ka poseduar edhe armë, që tashmë i është sekuestruar.
“Përgjatë operacionit policia ka sekuestruar; Një revole, që i dyshuari ka poseduar me vete në rastin e sulmit si dhe ka ekspozuar atë”, thuhet në njoftimin e Policisë.
Pas arrestimit, me vendim të prokurorit i dyshuari është dërguar në mbajtje për 48 orë, dhe ndaj tij është iniciuar rasti “Sulm ndaj personit zyrtar” dhe “Mbajtje në pronësi kontroll ose posedim të pa autorizuar të armës”