Kryetari i Grupit Parlamentar të AAK-së, Besnik Tahiri ka akuzuar Lëvizjen Vetëvendosje për keqpërdorim të imazhit të tij në një video propaganduese të LVV-së, të publikuar javën e kaluar.
Tahiri ka thënë se “kurrë në jetë” nuk e ka keqpërdorur funksionin publik.
Ai ka thënë se gjatë kohës kur ka qenë zëvendëskryeministër i Kosovës, nuk ka harxhuar asnjë cent nga kartela dhe as “nuk e ka shti askënd në punë”.
“Kurrë në jetë një sen nuk e kam keqpërdor, veturën e kam kthyer në fushatë, kartelën e kam kthyer pas harxhuar asnjë cent; gjema një njeri që e kam shti në punë. Po kush jeni ju që ma keni qitë fotografinë mu? Dilni ju në vete! Qysh ju duket juve me ju publiku në video një parti politike, pa keqpërdor asnjë sen”, tha Tahiri.