Këshilltari i lartë i Departamentit Amerikan të Shtetit, Derek Chollet, është takuar me këshilltarin e kryeministrit italian, Francesco M.Talo, me të cilin ka biseduar ndër të tjera edhe për Ballkanin Perëndimor, transmeton Paparaci.
Siç ka thënë Chollet në Twitter, “është i kënaqur që ka takuar këshilltarin diplomatik të kryeministrit italian”.
“Ne diskutuam për qëllimet e përbashkëta të paqes dhe stabilitetit në Ballkanin Perëndimor dhe më gjerë në Mesdhe”, shkroi ai.
Thrilled to meet @FrancescoM_Talo, Italy’s Diplomatic Advisor to the Prime Minister. We discussed shared goals of peace and stability in the Western Balkans and greater Mediterranean. @ItalyinUS. pic.twitter.com/slzA1yf8Sb
— Derek Chollet (@CounselorDOS) January 18, 2023
Takimi Chollet-Talo vjen para se pesë ndërkombëtarë të zbarkojnë të premten në Prishtinë, për të diskutuar rreth dialogut Kosovë-Serbi dhe gjetjen e një marrëveshjeje mes të dyja vendeve.
I dërguari i Shteteve të Bashkuara të Amerikës, Gabriel Escobar, i dërguari i Bashkimit Evropian për dialogun, Miroslav Lajçak, këshilltarët për politikë të jashtme dhe siguri të Gjermanisë (Jens Plettnerin), të Francës (Emmanuel Bonnin) dhe të Italisë pritet të jenë në Kosovë të premten.
Ende nuk dihen nëse është pikërisht Talo, zyrtari i lartë italian që pritet të vijë këtë javë në Kosovë.
Megjithatë, zëdhënësi i BE-së për politikë të jashtme, Peter Stano, ka konfirmuar vizitën e këtij delegacioni në Kosovë dhe Serbi.