Një aksident trafiku ka ndodhur në Suharekë, me ç’rast tre persona kanë mbetur të lënduar.
Ky aksident në të cilin janë përfshirë dy vetura, ka ardhur si pasojë e mosrespektimit të rregullave të trafikut.
Lajmi është konfirmuar nga Policia e Kosovës.
“Sot rreth orës 15:00 ka ndodhur një aksident me lëndime te lehta trupore. Si pasojë e aksidentit në Qendrën e Mjekësisë Familjare në Suharekë kanë kërkuar ndihmë tre persona. Ata kanë pësuar lëndime të lehta trupore dhe pas trajtimit janë liruar në shtëpi. Në aksident janë përfshirë dy vetura me targa vendore. Deri tek aksidenti ka ardhur si pasojë e mosrespektimit të rregullave të trafikut”, kanë njoftuar policia.
