Kryeministrja e Serbisë, Ana Brnabiq, me rastin e vizitës së sotme të të dërguarit të posaçëm të BE-së, Miroslav Lajçak në Prishtinë dhe Beograd, ka vlerësuar se janë duke u përshpejtuar aktivitetet diplomatike, se presioni po intensifikohet dhe ka shtuar se “beson në garancitë e bashkësisë ndërkombëtare” në lidhje me formimin e Asociacionit.
Ajo ka deklaruar për televizionin publik serb RTS-së se Lajçak fillimisht do të shkojë në Prishtinë dhe se sipas të gjitha gjasave tema do të jetë themelimi i Asociacionit, dhe ka shtuar se “nuk i interesojë qëndrimet e kryeministrit të Kosovës Albin Kurti për këtë çështje”, transmeton Paparaci.
Ajo ka përkujtuar se për Asociacionin janë marrë vesh dhe negociuar dhjetë vjet më parë si pjesë e Marrëveshjes së Brukselit, në vitin 2013 dhe 2015, dhe ka pretenduar se “beson në garancitë e bashkësisë ndërkombëtare që do të formohet në atë mënyrë”.
Ajo ka thënë se beson në garancitë e bashkësisë ndërkombëtare pasi, sipas saj, “nuk e di se si do të garantonin ndonjë marrëveshje tjetër nëse kjo nuk përmbushet”.
“Nuk do të jetë e lehtë”, ka thënë Bërnabiq, duke shtuar se ajo pret “manipulime” dhe përpjekje për të ndryshuar marrëveshjen “nga miqtë e Prishtinës”.
Ajo beson se e gjithë kjo, siç përsëriti, “nuk do të jetë e lehtë”, por se “nuk do të çojë në sukses”, sepse gjithçka për Asociacionin është “në letër”./Paparaci