Sulmuesi kosovar, Vedat Muriqi i ka dalë në mbrojtje boksieres kosovare, Donjeta Sadikut, pas diskriminimit që ju bë asaj nga India.
Federata e Boksit të Indisë kërkoi që Donjeta Sadiku të merrte pjesë pa asnjë simbol të shtetit tonë, teksa në rast fitores së ndonjë medalje të mos intonohet as himni, gjë e cila i shkel të gjitha rregullat sportive.
Pas reagimeve të shumta, në mbrojtje të Donjetës ka dalë sulmuesi kosovar, Vedat Muriqi.
“Duke qenë se flamuri dhe himni i Kosovës nuk u pranuan për arsye politike në Indi, Donjeta Sadiku nuk do të marrë pjesë në turneun e boksit. Nuk duhet harruar fuqia unifikuese e sportit dhe këto sanksione nuk duhet të zbatohen ndaj sportistëve”, ka shkruar Muriqi në postimin e tij.
As the Kosovo flag and anthem were not accepted beacuse of political reasons in India, Donjeta Sadiku will not attend the boxing tournament. The unifying power of sports should not be forgotten and these sanctions should not be applied to athletes.#RroftRepublikaEKosoves 🇽🇰 https://t.co/RFuWfB2ysr
— Vedat Muriqi (@MuriqiVedat) March 14, 2023