Ka tash e sa ditë që këngëtarja Fjolla Morina është kthyer në kryefjalën e mediave rozë.
Kjo pasi ajo publikoi një video në rrjetet sociale, ku shihej në gjendje jo të mirë emocionale, ndërsa rrëfente sfidat e saj të muajve të fundit.
Mes të tjerash, ajo pati akuza për ish-burrin e saj, sipërmarrësin Fisnik Syla, si dhe nënën dhe vëllain e saj, të cilët i akuzoi se kanë bashkëpunuar me armiqtë e saj.
Lidhur me këto deklarata ka pasur reagime nga ish-bashkëshorti i saj, Fisniku, i cili ka folur në disa media lidhur me këtë çështje.
Madje së fundmi në një intervistë për Ora News, sipërmarrësi nga Gjilani ka bërë disa akuza të forta në drejtim të ish-gruas.
“Ajo drogohet dhe është e sëmurë mendore”, ka deklaruar mes të tjerash Fisniku.
Morina kishte paralajmëruar edhe një protestë të dielën në shesh, por mbeti e vetme pasi në mbështetje të saj nuk u pa askush.