Biznesmeni Ramiz Kelmendi është pritur nga Kryeministri i Republikës së Kosovës Albin Kurti.
Në një postim në Facebook ai është shprehur se ky është takimi i parë mes Qeverisë dhe bizneseve tregtare.
Kelmendi ka thënë se temë e takimit ishte mbështetja për prodhuesit e vendit në mënyrë që të mbështeten edhe në tregjet e rajonit.
Ai ka thënë se qytetarët do e kenë fjalën e fundit duke konsumuar produktet vendore.
“Në takim u ngritë edhe çështja dhe rëndësia që qytetarët do e kenë fjalën e fundit në këtë drejtim duke konsumuar dhe përdorur prodhimet vendore”, është shprehur Kelmendi.
Edhe pse gjatë ditës së djeshme u takuan Kelmendi e Kurti, mes tyre dikur kishte përplasje të ashpra.
Dikur Kelmendi thoshte se aktivistët e LVV-së, kishin pasur synim që të eliminonin biznesin e tij në mënyrë, që më pas brendet ku kompania e tij është përfaqësuese t’i shpërndajnë ata në bizneset e tyre.