Trajneri i Llapit, Tahir Batatina ka thënë se synimi i tij në ndeshjen e sotme të Kupës së Kosovës ndaj Malishevës ishte që të mos mposhtej nga Bylbyl Sokoli, trajneri i skuadrës kundërshtare.
Batatina ka thënë se ka dashur që edhe më tutje ta mbajë bilancin e pamposhtur në dhjetë ndeshje ndaj Sokolit.
Sa i përket ndeshjes, tekniku llapjan ka deklaruar se skuadra e tij kishte më shumë presion sesa Malisheva para fillimit të takimit.
“Nëse shohim dy trofetë e fituara, Llapi i ka kaluar me penallti dy skuadra këtu. Malisheva nuk ka presion dhe ka qenë më e relaksuar, ndërkaq ne kemi qenë më shumë në presion dhe kjo ka ndikuar. Asnjë humbje nuk e kam ndaj tij dhe nuk kam dashur që ta humb këtë takim dhe ta mbajë bilancin e pamposhtur që të mos humb ndaj një trajneri që mendon se është trajner i mirë”, ka thënë Batatina.
“Më meritorët janë këta djemë që kanë luajtur në fushë. Synimi ynë dhe objektivi im është që ta marrim në fund Kupën”, përfundoi Batatina.