Finalja e madhe e “Big Brother Vip Kosova” do të mbahet këtë të premte (17 mars) ku në garë për çmimin e madh prej 200 mijë euro janë pesë finalist.
Në mes Vedatit, Stresit, Xhulit, Artanit dhe Mbresës njëri prej tyre do të jetë fitues i edicionit të parë të “Big Brother Vip Kosova”, shkruan paparaci.
Teksa shihet një garë mjaft e fortë në mes finalistëve, nuk ka munguar edhe përkrahja e fytyrave publike për të preferuarin e tyre.
Së fundmi, Deputetja e Kuvendit të Kosovës, Ganimete Musliu ka zbuluar banorin e saj të preferuar të këtij edicioni të parë, shkruan paparaci.
Përmes një statusi në facebook, Musliu tregoi se e mbështet Xhulin ku ndër të tjera tha se se gratë duhet të mbështesin gratë dhe sipas saj në këtë nuk duhet të bëhet asnjëherë kompromis, as atëherë kur ajo nxitohet, bënë gabime dhe herë pas here rrëzohet.
Sipas Musliut, Xhuli i është ekspozuar agresivitetit të tre burrave dhe këtë vetëm për shkak të çmimit prej 200 mijë eurosh./Paparaci.com