Pas fitores ndaj Ballkanit në Kupën e Kosovës, skuadra e Prishtinës e ka vazhduar ecurinë e mirë edhe në kampionat.
Prishtina shënoi fitore ndaj Drenicës me rezultat minimal, 1:0, në ndeshjen e zhvilluar në kuadër të xhiros së 26-të të Superligës së Kosovës.
Kjo është fitorja e dytë për “bardhë e kaltrit” nën drejtimin e Debatik Currit, pas shkarkimit të Ismet Munishit.
Golin e fitores për Prishtinën e shënoi Bujar Pllana. Ai realizoi në minutën e 33-të të ndeshjes.
Me këtë fitore, Prishtina ka arritur kuotën e 35 pikëve, duke u renditur në pozitën e katërt në tabelë më katër pikë më pak se Gjilani në pozitën e tretë.