Shefi i Zyrës së Bashkimit Evropian në Kosovë, Tomas Szunyog, ka takuar dhe biseduar sot me kryetarin e PDK-së, Memli Krasniqi dhe shefin e grupit parlamentar të kësaj partie, Abelard Tahiri, për mbështetjen e opozitës për zbatimin e marrëveshjes për rrugën e normalizimit të marrëdhënieve mes Kosovës dhe Serbisë.
Po ashtu sipas zyrtarit evropian, u diskutua edhe për funksionimin efikas të Kuvendit të Kosovës, transmeton Paparaci.
“Komisioni Evropian është në proces të përgatitjes së një raporti për Kosovën për vitin 2023 dhe ka disa fusha që kërkojnë progres legjislativ në rrugën evropiane të Kosovës. Koha është e rëndësishme sepse raporti mbulon periudhën deri në qershor të këtij viti”, tha ai në Twitter.
Met today with #PDK's @MemliKrasniqi & Abelard Tahiri to discuss the opposition's support for the immediate implementation of the Agreement on the path to normalisation between 🇽🇰#Kosovo & 🇷🇸#Serbia➡️ https://t.co/HX99PkG81R, and the effective functioning of the 🇽🇰 Assembly. pic.twitter.com/XmVaqTly7K
— Ambassador Tomáš Szunyog (@EUAmbKS) March 21, 2023