Ish-kryetari i Gjykatës Kushtetuese dhe profesori universitar, Enver Hasani është i mendimit se marrëveshja Kosovë-Serbi e arritur të shtunën në Ohër, ka lëkundur shtyllat e shtetësisë së Kosovës.
Sipas tij, Kosova përfundimisht është futur në një proces që do ta bëjë të prekshme kushtetutën materiale që ka nisur të krijohet në mënyrë graduale gjatë procesit të dialogut me Serbinë.
Po ashtu, ai i ftuar në Pressing të T7 është shprehur se e njëjta ujdi është autonomi territoriale për serbët, raporton Paparaci.
“Aty thotë se edhe të gjitha marrëveshjet duhet të implementohen. Kjo i bie se duhet ai i vitit 2013 të zbatohet, pasi nuk e njeh vendimin e Kushtetutës”, tha ai.