Kryeministri i Shqipërisë, Edi Rama është shprehur i shqetësuar pas një reagimi të OKB-së lidhur me marrëveshjen Kosovë-Serbi, e që sipas tyre e njëjta është cilësuar si “marrëveshja mes Beogradit dhe Prishtinës”.
Kësisoj, shefi i qeverisë shqiptare kërkoi sqarime urgjente për këtë deklaratë
Madje, ai kërkoi shpjegime nëse bëhet fjalë për një gabim serioz apo për një lapsus, raporton Paparaci.
“’Beogradi dhe Prishtina’?! Një gabim serioz apo një lapsus? Emri zyrtar i saj është ‘Marrëveshja për rrugën drejt normalizimit ndërmjet Kosovës dhe Serbisë’ dhe do të ishte e papranueshme nëse SHBA nuk do ta përdorte këtë emër të duhur qëllimisht. Ju lutemi jepni sqarime menjëherë”, shkruan Rama.
'Belgrade and Pristina'?! A serious mistake or a lapse? The official name of it is 'The Agreement on the Path to Normalization between Kosovo and Serbia', and it would be unacceptable if the SG did not use this proper name deliberately. Please provide clarification promptly. pic.twitter.com/n48UMyklS1
— Edi Rama (@ediramaal) March 21, 2023
Ndërkohë, sekretari i Përgjithshëm i Kombeve të Bashkuara, Antonio Guterres, përshëndeti marrëveshjen ndërmjet Prishtinës dhe Beogradit “në rrugën e normalizimit të marrëdhënieve” dhe theksoi se palët duhet të punojnë shpejt dhe me mirëbesim për të “materializuar të gjitha detyrimet e tyre nga marrëveshja”.
“Sekretari i Përgjithshëm i OKB-së Antonio Guterres mirëpret deklaratën e fundit të BE-së për marrëveshjen ndërmjet palëve për zbatimin e Marrëveshjes për rrugën drejt normalizimit të marrëdhënieve ndërmjet Beogradit dhe Prishtinës”, tha Farhan Haq, Ndihmës-zëdhënësi i Sekretarit të Përgjithshëm të Organizatës së Kombeve të Bashkuara (OKB), transmeton Paparaci.