Policia e Kosovës në raportin për 24 orët e fundit, më herët njoftoi se është arrestuar një person i cili dyshohej të ketë kryer marrëdhënie seksuale me një vajzë të mitur.
Në njoftimin e policisë, bëhej e ditur se i dyshuari ka pranuar se ka kryer një veprim të tillë, dhe se është dërguar në mbajtje.
“Njësiti i hetimeve gjatë një pune hetimore, nën dyshimin e kryerjes së veprës së lart-cekur, kanë identifikuar dhe arrestuar të dyshuarin mashkull kosovar. Gjatë intervistës i njëjti ka pranuar se ka kryes marrëdhënie me viktimën femër kosovare e mitur. Me vendim të prokurorit i dyshuari është dërguar në mbajtje.” – bëhej e ditur në njoftimin e policisë.
Ndërkohë, gazeta Sinjali duke cituar burime brenda Prokurorisë ka raportuar se i dyshuari është 35-vjeçar.
Sipas informacioneve, hetimet për rastin nisën pas publikimit të videos, ky i dyshuari shihej duke kryer marrëdhënie me të miturën.
I njëjti, sipas këtij mediumi, përveç që ka pranuar se ka kryer marrëdhënie seksuale me të miturën, të gjithë aktin e ka regjistruar me një videoincizim.