Deputeti Fatmir Humolli sot nuk është ulur në vendin e zakonshëm të tij në Kuvendin e Kosovës.
Për dallim nga herët tjera, ai është ulur larg grupit parlamentar të Lëvizjes Vetëvendosje.
Në këndin ku është ulur Humolli, para fillimit të seancës së sotme parlamentare kanë shkuar për t’u konsultuar me të dy ministrat e Qeverisë së Kosovës, Arben Vitia dhe Liburn Aliu.
Më vonë, duke u konsultuar me Humollin është parë edhe shefja e Grupit Parlamentar të LVV-së, Mimoza Kusari-Lila.
Humolli ka deklaruar se nga sot nuk do të jetë më pjesë e GP të LVV-së në Kuvendin e Kosovës, për shkak të pakënaqësive të tij ndaj qeverisë.
Kryeministri Albin Kurti, i pyetur sot rreth largimit të deputetit Humolli, tha se nuk e ka pasur ende rastin që të flasë me ligjvënësin nga Podujeva.