Sekretari i FFK-së, Taulant Hodaj, ka bërë të ditur se as ai e as nënkryetari i FFK-së, Bakir Burri, nuk janë intervistuar nga Policia apo Prokuroria, pas arrestimit të kryetarit të Federatës së Futbollit të Kosovës, Agim Ademi.
Megjithatë, ai para gazetarëve u shpreh se se FFK-ja do të jetë transparente me organet e drejtësisë.
“Jo nuk jemi intervistuar, por edhe çdo gjë FFK-ja do te jete transparente me organet e drejtësisë”, tha Hodaj, të mërkurën, transmeton Paparaci.
Po ashtu, ai u shpreh se lojtarët dhe stafi i Kombëtares së Kosovës janë marrë në pyetje nga Policia e Kosovës.
Sipas tij, kjo është për keqardhje pasi po ndodh në momentet kritike të Kosovës në futboll.
“Nuk ka pasur asnjë urdhër as prej prokurorit as prej gjykatës që i kanë ndalë lojtarët, stafin u kanë bërë pyetje të ndryshme atyre në Hotel, kjo lë shumë për të ndryshuar, në momentin shumë kritik të kualifikimit të kombëtares pasi kemi gjasa ideale. Mendoj që dashakeqësi më i madh nuk kish mundur me gjatë momentin ma të volitshëm me godit kombëtaren. Kjo është për keqardhje”, theksoi Hodaj.