Partia Demokratike e Kosovës ka publikuar një video në Facebook ku rendit “sukseset” e Qeverisë Kurti 2.
Sipas PDK-së, Qeveria Kurti ka kaluar dy vjet në pushtet me arsyetime dhe dështime, transmeton Paparaci.
Në video ku kritikohet pushteti i kryeministrit Albin Kurti, PDK-ja përmend disa prej ngjarjeve me ironi që kanë ndodhur në Kosovë, duke filluar prej skandalit të ambasadorit Martin Berishaj, e deri te vjedhja e mostrave të gjakut të ish-aktivistit të LVV-së, Astrit Dehari.
Po ashtu, në video listohet edhe “Zajdenica” apo Asociacioni i Komunave me Shumicë serbe.
Mes tjerash, aty përmendet edhe Vettingu në Drejtësi, vetë-menaxhimi i komunitetit serb, pas marrëveshjes së fundit mes Kosovës dhe Serbi, në kuadër të dialogut të ndërmjetësuar nga BE-ja.
“”Sukseset” e kryeministrit Kurti për dy vjet qeverisje. Dy vjet arsyetime – dy vjet dështime”, thuhet në videon e shpërndarë nga kryetari i PDK-së, Memli Krasniqi.