Analisti, Jusuf Thaçi, ka deklaruar se duke filluar nga sonte, Qeveria Kurti nuk ka më legjitimitet të qeverisë me vendin.
Reagimi i Thaçit vjen pasi sonte kryeministri Albin Kurti, e pranoi në RTK se brenda planit evropian është edhe Asociacioni i Komunave me Shumicë serbe, konkretisht në nenin 10 të marrëveshjes, transmeton Paparaci.
Prandaj, Thaçi tha se Qeveria Kurti nuk përfaqëson më atë që e ka proklamuar në zgjedhje edhe para zgjedhjeve rreth “Zajdenicës”.
Bile, ish-zv/ministri i Arsimit thekson se pushteti tashmë përfaqëson të kundërtën e asaj që ka premtuar në zgjedhje.
“Relativizimet janë të kota, Zajdenica është Zajdenicë, nuk mund të bëhet kurrë as e mirë e as e pranueshme. Shpresat për të bërë eskivazha gjatë zbatimit të Zajdenicës janë të kota”, shkroi ai në Facebook.