Janë arrestuar katër persona në Pejë për shkak se ishin përfshirë në një rrahje ndërmjet vete.
Sipas Policisë, njëri prej tyre, gjatë përleshjes, ka pësuar lëndime të rënda trupore pasi është qëlluar me thikë në pjesën e kraharorit.
Ndërkohë, dy të dyshuar pas tretmanit mjekësor janë dërguar në mbajtje dhe një nga të dyshuarit është në tretman mjekësor në spitalin e Pejës.
Ai po ashtu thuhet se është nën mbikëqyrjen e policisë, ndërsa tjetri është duke u trajtuar në QKUK.
Rasti i cilësuar si vrasje në tentativë, ka ndodhur të mërkurën rreth orës 20:06 në rrugën “Mbretëresha Teutë”.