Sir Jim Ratcliffe dhe Sheikh Jassim Bin Al Thani dërguan oferta zyrtare për blerjen e Manchester United para afatit, i cili zgjati deri në orën 22:00 të mbrëmjes së sotme.
Ish-trashëgimtari i fronit të Katarit është i bindur se do të jetë pronari i ri i Djajve të Kuq.
Sheikh Jassim ia la postin e trashëgimtarit të fronit vëllait të tij më të vogël, emirit aktual të vendit, Tamim Bin Al Thani dhe aktualisht është president i Bankës Islamike të Katarit.
Kundërshtari i tij është presidenti i grupit INEOS, Jim Ratcliffe, i cili ka shprehur disa herë dëshirën për ta blerë Unitedin.
Manchester United sale: Sheikh Jassim and Sir Jim Ratcliffe’s bids are in 🚨🔴
Sheikh Jassim remains fully engaged and confident in his bid.
Next steps are up to Manchester Utd owners, the Glazers family.
Understand both parties don’t expect an ‘immediate’ response. pic.twitter.com/Vk70501EdZ
— Fabrizio Romano (@FabrizioRomano) March 22, 2023
Hapat e ardhshëm i takojnë pronarëve të Manchester Utd, familjes Glazers.
Të dy pronarët e mundshëm kanë thënë së fundmi se nuk do të paguajnë para të çmendura për klubin, por informacionet nga mediat britanike thonë se të dyja ofertat vlejnë rreth 6 miliardë euro.
Do të ishte një blerje rekord e një klubi futbolli, dhe tani pronarët aktualë Glazers janë duke pritur.
Kujtojmë se Glazers së fundmi trembën tifozët me njoftimet se nuk duan ta shesin klubin.