Deputeti nga radhët e Lëvizjes Vetëvendosje, Dimal Basha ka bërë një reagim pasi mbrëmë, kryeministri Albin Kurti, e pranoi në televizionin publik se ka Asociacion të Komunave me Shumicë serbe, në planin e BE-së, transmeton Paparaci.
Kësisoj, Basha shprehet i bindur se nuk do të ketë Asociacion ashtu siç e ka firmosur marrëveshjen e Brukselit ish-kryeministri, Isa Mustafa.
“Rrini sh’lirë sepse nuk do të ketë Asociacion të Isa Mustafës , qysh edhe nuk ka Isa Mustafë sot. Sa kthehet Isa Mustafa, aq Asociacioni i tij”, shkroi Basha, në rrjetet sociale.
Megjithatë, Kurti e pranoi dje se ka Asociacion, teksa lexoi nenin 10 të planit.
“Ka Asociacion, neni 10 thotë se ë dyja palët obligohen për t’i zbatuar marrëveshjet e kaluara. Është një thes me marrëveshje, nuk e mohoj një gjë të tillë. Edhe kjo çfarë ndodh në nenin 7 i referohet komunitetit serb në Kosovë, edhe për këtë kemi qenë të angazhuar siç thuhet këtu për ‘vetëmenaxhimin’ dhe sa i përket ofrimit të shërbimeve”, shtoi Kurti.