Me moton “Kosova në Evropian” futbollistët e Përfaqësueses së Kosovës do të fillojnë ciklin kualifikues për Kampionatin Evropian “Euro 2024”.
Pas nisjes së Kosovës për në Izrael është publikuar edhe një video motivuese për futbollistët.
“Nga dhimbja në lavdi, historia ime dardane”, është titulli i kësaj video e cila sjellë një rrëfim të shkurtër të ecurisë së “Dardanëve” deri në këtë pikë, me shumë vështirësi e pengesa, por me synime të mëdha e të qarta.
Kosova do të fillojë nesër ciklin kualifikues, ku si rival të parë e ka Izraelin. Tre ditë më vonë Kosova do të përballet me Andorrën në “Fadil Vokrri”.