Kryetari i PDK-së, Memli Krasniqi, ka thënë të dielën se 25, 26 e 27 marsi 1999 ishin ditët më të trishta për banorët e Krushës së Madhe.
Ai tregoi se 24 vite më parë forcat serbe vranë e masakruan 243 civilë të pafajshëm të këtij fshati.
“Mungesa e vënies së drejtësisë për viktimat e kësaj masakre, është plaga që dhemb aq shumë, jo vetëm për familjarët e tyre, por për tërë Kosovën”, shkroi ai në Facebook.
“Megjithatë, gratë e Krushës së Madhe, përkundër që humbën më të dashurit e tyre, gjetën forcën të ringrihen me punë e dashuri për vendin, duke u bërë shembull i mosdorëzimit. Lavdi për të rënët e Krushës së Madhe”, shtoi Krasniqi.