Sergio Agüero mori pjesë në një transmetim live në platformën “Twitch” të Ibai Llanos dhe në një moment të bisedës ai ndaloi fjalimin duke mbajtur gjoksin.
Ai pati një shtrëngim në gjoks, duke shqetësuar kështu bashkëpjesëmarrësit e tij në këtë live, derisa vet argjentinasi tha se mund të ketë pasur telashe me ritmin e rrahjeve të zemrës.
“Çfarë ka, burrë?” e pyeti Ibai Llanos kur pa Agüero-n duke shtrënguar duart.
🚨🚨El ‘Kun’ #Agüero 🇦🇷 sufrió una mini-arritmia cardíaca durante una transmisión en directo con el famoso streamer, #Ibai Llanos. 😢😭🚨🚨 pic.twitter.com/GJEBKoxie2
— Radio Huancavilca 830AM (@RadioHuancavilk) March 30, 2023
Aguero u përgjigj: “Mendoj se pata një mini-aritmi.” “A doni që të shkojmë te mjeku?” – u përgjigj transmetuesi. “Jo, jo. Sepse unë kam një çip dhe çipi i famshëm do të dërgojë një sinjal,”, vazhdoi Aguero, përcjellë KosovaPress.
Sulmuesi argjentinas pësoi një aritmi në tetor të vitit 2021 kundër Alavés kur ishte anëtar i klubit futbollistik të Barcelonës dhe pasi u testua nga një kardiolog, Atij më pas iu desh të tërhiqej nga futbolli. Që atëherë ai ka marrë pjesë me Ibai Llanos dhe në turne si Kings League.