Blerta Kllokoqi-Rugova, bashkëshortja e Ukë Rugovës, ka thënë se sot po rilindë një kohë e re, pas lirimit nga akuzat për krim të organizuar të djalit të ish-presidentit Ibrahim Rugova.
Në një shkrim në Facebook, Kllokoqi-Rugova ka thënë se ndien dhimbje dhe urrejtje ndaj atyre që ajo pretendon se orkestruan sulmin ndaj “presidentit Ibrahim Rugova përmes Ukës”.
“Por është Uka ai qe nuk me lejon te ushqehem me urrejtje, se Presidenti kishte thëne, jemi pak dhe skemi asnjë shqiptar për te gjuajtur”, ka thënë Blerta Kllokoqi-Rugova.
Ukë Ruvova u lirua sot nga akuzat për krim të organizuar lidhur me pajisjen e qytetarëve me viza schengen përmes pasaportave italiane.
Ai ishte arrestuar në shkurt të vitit 2014 dhe ishte mbajtur në paraburgim për rreth katër muaj. Procesi gjyqësor ndaj tij ka zgjatur gati 9 vite.
Postimi i plotë:
9 vjet e 53 ditë!!!
Shtatezane ne muajin e 7te me Leken kom qene, edhe sot ndjej dhembshuri per torturat e traumat qe ja kom shkaktu Lekes ende pa ardhe ne kete bote 😒
Jom ende prej deres ne dere tu kerku ndihme per ni komplot qe po zhvillohej. Isha e dermuar e isha shpirterisht e shkaterruar kur me pat ardhe nje leter nga Uka: “Baba me ka thone me e mira qe mujn me ta bo ne politike eshte burgu”. Ne ate moment e kom marre veten, i kom kujtu krejt atentatet qe ju kane bo Presidentit Rugova e familjes te tij pas luftes, i kom kujtu krejt armiqt e tij shume vjeçar, e kom kujtu edhe Serbin qe ja kane vra babe e gjysh e Presidenti nuk u dorezu po ka arrit me me jau marr Kosoven e me shpall shtet, e kom kujtu qe nuk jom martu me nje njeri te rendomte e as ne nje familje te rendomte por ne nje familje qe ka nje barre dhe nje pergjegjesi deri sa te jene gjalle e njejte vlen edhe per femijet e mi sepse gjaku nuk eshte uje.
Me me pyet mua, edhe sot e kesaj dite shpirti me dhemb e ndjej urrejtje ne brendesi ndaj gjithe atyre qe orkestruan e sulmuan figuren e Presidentit Rugova permes Ukes sepse nuk arriten ta benin nje gje te tille sa ai ishte gjalle, por eshte Uka ai qe nuk me lejon te ushqehem me urrjetje, se Presidenti kishte thene, jemi pak dhe skemi asnje shqiptar per te gjuajtur.
Uka ka qene dhe mbetet personi me i afert i Presidentit Rugova dhe njekohesisht Uka eshte dhe mbetet enciklopedi ne vete.
Sot po Rilind nje Kohe e Re! Sot po dalim nga ajo humnere qe plot 9 vite te jetes na i gelltiti. Do kompenzojme e do vazhdojme aty ku e lam e edhe me te forte se kurre!