Policia e Kosovës ka ndaluar të enjten shoferin e veturës së tipit “BMW”, Refki Hajzeri, që tash e disa javë po shqetëson banorët përmes muzikës me zë kumbues.
Në një video të publikuar nga Klan Kosova, shihet shoferi i “BMW” së gjelbër teksa gjobitet nga zyrtarët policorë.
Ndaj tij ka pasur ankesa të shumta për shkak të shqetësimit të banorëve të kryeqytetit, kryesisht të lagjes Mati, raporton Paparaci.
Gjithashtu, në vazhdimësi janë publikuar video të veturës në fjalë, e cila endet rrugëve me muzikë me zë tejet të lartë.