Ish-kryeministri i Kosovës, aktualisht deputet nga radhët e Lidhjes Demokratike të Kosovës, Avdullah Hoti ka vazhduar edhe sot kritikat ndaj ministrit të Financave, Hekuran Muratit.
Ai ka thënë se tatimi në pronë u rrit për 100 përqind në 23 janar të vitit 2023, ndërsa më 30 mars 2023 u rrit energjia elektrike për 15.4 përqind.
“Urime!!! Me rëndësi ministrit po i tepron buxheti”, ka thënë me ironi Hoti.
Ai madje ka thënë se është gëzuar që e ka mbyllur vitin 2022 me suficit, për çka ka thënë se është rezultat i bllokimit të investimeve kapitale.
Ky është postimi i plotë i Hotit:
● 23 janar 2023 — Tatimi në pronë u rrit 100% për shumë familje.
● 30 mars 2023 — Energjia elektrike u rrit 15.4%.
Urime!!! Me rëndësi ministrit po i tepron buxheti. Është gëzuar se e ka mbyllur vitin 2022 me suficit. Ka harruar se suficiti është rezultat i bllokimit të investimeve kapitale. /Paparaci.com/